У школу – з добрым сэрцам

Падчас яе  дзеці, якія па стане здароўя навучаюцца дома, і дзеці з прыёмных сямей атрымліваюць падарункі да пачатку навучальнага года.

Вось і сёлета падарункі знайшлі канкрэтных адрасатаў – гэта 11 дзяўчынак і хлопчыкаў з Маларыты, Гвозніцы, Радзежа, Замшан, Хаціслава і Галёўкі.

7 верасня да дабрачыннай акцыі далучыліся член Савета Рэспублікі Нацыянальнага сходу Рэспублікі Беларусь Тамара Шатлікава, старшыня Маларыцкага раённага Савета дэпутатаў Алег Якубчык, а таксама старшыня раённай арганізацыі грамадскага аб’яднання “Беларускі фонд міру” Людміла Бурштын. Яны завіталі ў два населеныя пункты.

Падчас сустрэчы ў Гвозніцкай СШ падарункавыя наборы “Таптышка” ад Маларыцкага кансервавагароднінасушыльнага камбіната,  развіццёвыя гульні ад індывідуальнага прадпрымальніка Людмілы Хадатчук (магазін “Фармат”) атрымалі трэцякласнікі Кацярына Літвінчук і Таццяна Панасюк, дзесяцікласнік Міхаіл Кардзялюк і адзінаццацікласніца Ангеліна Кавальчук.

Тамара Шатлікава, Алег Якубчык і Людміла Бурштын  завіталі і да першакласніка Святаслава Мелешчука.

У гэты ж дзень  падарункі таксама ўручылі  чацвёртакласніцы Дар’і  Братчук і яе брату шасцікласніку Паўлу з Радзежа.

Госці павіншавалі  школьнікаў з пачаткам новага навучальнага года, пажадалі ім выдатных адзнак, а таксама выказалі ўпэўненасць, што яшчэ адзін школьны год прынясе толькі яркія эмоцыі, шчырых сяброў і неабходныя ў жыцці веды.

Мiкалай  Навумчык,

па  матэрыялах  газеты «Голас часу»