Мы гэтай памяці верныя!

Напярэдадні Дню пагранічніка сотні школьнікаў, навучэнцаў коледжаў і ліцэяу, а таксама міратворцы, актывісты і стыпендыяты Беларускага фонду міру i ветэраны Вялікай Айчыннай вайны прынялі ўдзел ва ўрачыстым мітынгу-рэквіеме і ўшанавалі памяць загінуўшых пры абароне цытадэлі.

Хлопцы пранеслі партрэты герояў, якія першымі прынялі ўдар ворага, а цяпер іх імёнамі названыя заставы і вуліцы.

Затым удзельнікі мітынгу ўсклалі кветкі да Вечнага агню і ўшанавалі памяць загінуўшых хвілінай маўчання. Дзеці выпусцілі ў неба белых галубоў, якія з’яўляюцца сімвалам міру.

Пасля мітынгу удзельнікі адправіліся на экскурсію па Брэсцкай крэпасці, каб успомніць аб гераічным подзвігу пагранічнікаў і беларускага народа ў гады Вялікай Айчыннай вайны. Усяго ў мерапрыемстве ад Гродзеншчыны прынялі ўдзел 111 чалавек.