У славу агульнай Перамогі

Раніца серады дыхала халодным ветрам, але гэта не спыніла ўдзельнікаў рэспубліканскай акцыі “У славу агульнай Перамогі”: на мемарыяле ля брацкіх могілак сабраліся прадстаўнікі раённай адміністрацыі на чале са старшыней Старадарожскага раённага аддзялення Беларускага фонду міру, старшынёй раённага Савета дэпутатаў Дзмітрыем Давыдавым, кіраўнікі грамадскіх арганізацый, ваенныя, благачынны прыходаў раёна айцец Ігар. Дата, упячатаная ў сэрцы, кліча сёння пад свае сцягі ўсіх, хто верны святому доўгу памяці. Дабрабытны той, хто можа выконваць яго найчасцей.

Дні ідуць асаблівыя. Кожны ступае ў вечнасць, як крок, набліжаючы нас да вялікай даты, і кожны пазначаны справамі памяці, гонару і журбы. Адна з такіх пачэсных спраў — рытуальнае змяшчэнне зямлі з 76 воінскіх захаванняў і памятных мясцін раёна ў спецыяльную капсулу. Разам з “сёстрамі” з іншых ранаў Беларусі яна зойме месца ў крыпце Храма-помніка Усіх святых у Мінску.

Але не толькі ў сталіцы наша зямля сімвалічна аб’яднае загінуўшых братоў па зброі, але і ў нашым раёне. Унікальнае мерапрыемства, якое адбудзецца днямі, будзе запамінальным і дазволіць увекавечыць памяць аб падзеі на стагоддзі.

Акцыя прайшла пранікнёна, прыгожа, урачыста, на адным дыханні. Тут згадалі подзвіг жыхароў Старадарожчыны, 5 тысяч якіх сражаліся на франтах Айчыннай і 2788 не вярнуліся дадому. Аб значнасці падзеі гаварылі прадстаўнікі раённага актыву. Благачынны  прачытаў малітву па загінуўшых і асвяціў зямлю з воінскіх захаванняў. Ваеннаслужачыя Варшаўскай 8 брыгады радыяцыйнай, хімічная і біялагічнай абароны правялі рытуал яе змяшчэння ў капсулу, якую затым ўручылі начальніку адасобленай групы ваеннага камісарыята Ігару Ваўчугу.

Памяць загінуўшых воінаў ушанавалі хвілінай маўчання і ўскладаннем кветак да мемарыялу.

Іна КАНДАУРАВА